عايز اعرف البيكانتو 2015 لسة فيها عيوب الفرامل زي القديمه ولا خلاص , ولو حد يعرف مشاكلها او سمع هنا يقول , شكرا
عرض للطباعة
عايز اعرف البيكانتو 2015 لسة فيها عيوب الفرامل زي القديمه ولا خلاص , ولو حد يعرف مشاكلها او سمع هنا يقول , شكرا
ياااااااااااااااه بحييك والله كنت لسه هافكر اعمل الموضوع ده
الف شكر وتسلم ياغالي
اكمل بقة بسؤال زيادة
البيكانتو تقدر تستحمل السفر على طريق الصعيد الصحراوي ولا لأ
وهي صحيح 1200 ولا 1250 ؟؟
تستحمل السفر طبعا انا لسه جاي بيها من اسكندرية كنت ماشي 120 كم ساعة
كويسه على الطريق والفرامل حلوة بس النور كان ضعيف شوية لان مش مركب فيها شابورة
الشكل الجديد كله 1250 سي سي. و فراملها معقولة جدا و مش بحس أن التكييف بيأثر عليها لأن أصلا العربية خفيفة.
ياباشا تمام
بس انا عارف ان الوكيل ليه ضمان
والخليجي ممكن اشتريله ضمان بتاع شركة aaa اللي في المعادي او اروح توكيل كيا وادفع فلوس
لكن العملي ايه الافضل الخليكي ولا الوكيل
يعني انا اسمع مثلا وقريت انه الخليجي تكييفه افضل ورش العربيه افضل بس قريت انها مش معزوله من تحت او حاجه زي كده وواطيه عشان مفيش عندهم مطبات زيينا
ولقيت انه الخليكي سعودري وبحريني وعماني واردني وعراقي
الوكيل اه ليه ضمان والعربيه عاليه وليها عازل من تحت بس التكييف اقل من الخليجي
فا ايه المناسب لينا في مصر كعربيه في الواقع العملي ؟؟
ياريت برضو حد يكلم عن سحب العربيه فالبنزين
هل فعلا موفره ولا كلام اعلانات بس
وبتعمل كام فالصفيحة جوة ابلد , شكرا
بفكر فالوكيل اضمن ومناسبه لمصر
ياباشا
العربية ماشاء الله عليها
انا لسة كنت مسافر بيها فى العيد من بنى سويف للغردقة حوالى 500 كم فى عز الظهر الساعة 1
وكنت ماشى بين 140 الى 160 ماشاء الله عليها
بي عيب العربية ان كراسيها مش مريحة فى السفر الطويل كراسى ناشفة شويتين
والشنطة اعتبرها مش موجودة خالص - فرامل مش قوية لكن لحد ما مقبوله
توكل على الله وهاتها ومش هتندم
انا لما جبتها لولدتى جبتها وكيل ... اتلسعت قبل كدة فى عربيه خليجى بس كانت فولكس
بس انا شايف ان الكاسيت بتاع الوكيل مش الاصلي وده ممكن يتفك ويتسرق , لكن الخليجي بيبقي بيلت ان وده ميزه الخليجي ,وياريت توضح ليه الفرامل مش كويسه اوي ,وشكرا
الabs فالخليجي وكل الكماليات هتلاقيها فالخليجي اكتر , بس عايز حد يطمني عن الكاسيت ده
شكلها كده هاترسي عالخليجي
مبروك مقدما وانشاء الله تعجبك انا مره سوقتها 5 كيلو وجميلة وشايف سحبها كويس بس الباور بتاعها خفيف اوي
الخليجي أرخص و امكانيات أعلي. الكاسيت كده كده الوكيل مركبه هنا مش أصلي و الخليجي بيعملو نفس الكلام. اشتري و بعد كده ركب الكاسيت اللي أنت عاوزه.
الوكيل لو فيه حاجة في العربية بينفض أو هيطلع عينيك عشان يصلح. يبقي تتوكل علي الله و تجيب خليجي و لو في حاجة بعدين صلح علي حسابك.
والله انا بقيت محتار ازود واجيب ريو هاتشباك
بقيت محتار
والله يافادي انا مش عارف ليه مش مرتاح للوكيل
خصوصا انه سمعت انه يعني صياناته فاشله من كزا حد
وطول ما العربيه تبع الوكيل كل متابعه هايلزم تغير زيت وحجات وحد قالي انهم تقال في الصيانه وكله بفلوس مش ببلاش
بس الفرق مابين بيكانتوا خليجي هاي لاين 100 الف والريو هاتشابك خليجي هاي لاين 150 الف يعني فيه 50 الف فرق
الريو عربيه اقوى ومنتشره بشكل بسم الله ماشاء الله فده اللي محير الواحد
الميزه فالبيكانتو انها موفره اكتر من ريو عشان سحبها اقل والبنزين غلي , عشان كده عجباني , انا نفسي حد يقولي سحب الريو عامل ازاي وكام
خلينا فالبيكانتو وخلاص
اية يا جماعة انتوا لسه محتارين
باشا الكيا كلها كويسة الاختيار هيرجع لاستخدامك
وعلى فكره العربيتين موفرين جدا في البنزين علشان فيهم نظام eco
وعاوز رايي الشخصي
البيكانتو عربية حريمي ممتازة والريو شبابي شوية وموتور 1400 (110 هورس باور )